Sinema
Zabıta ve sivillerden Bağdad'a giden yolcuların yollardan aldıkları fotoğraf veya sinema filmlerinin hepsini Altıncı Ordu Karargahı'na teslime mecbur oldukları, yapılacak tahkikat sonucu sakıncalı olmayanların geri gönderileceği.
Dersaadet Merkez Kumandanlığı'nda teşkil edilen sinematoğraf için gereken alet ve edevatı satın almak üzere Romanya tebeasından sinemacı Vainberg'in Berlin'e gönderileceği.
Dersaadet Merkez Kumandanlığı'nda teşkil edilen sinematoğraf için gereken alet ve edevatı satın almak üzere Romanya tebeasından sinemacı Vainberg'in Berlin'e gönderileceği.
Dersaadet Merkez Kumandanlığı'nda teşkil edilen sinematoğraf için gereken alet ve edevatı satın almak üzere Romanya tebeasından sinemacı Vainberg'in Berlin'e gönderileceği.
Rus komitesinin Gelibolu'nun veya bir Alman ve Avusturya şehrinin düşüşü haberini havi telgrafları her gün sinematoğrafla göstermesi ve diğer propagandalarının yüksek tabaka tarafından hoş karşılanmadığı.
Babıali
Dahiliye Nezareti
Emniyet-i Umumiye Müdüriyeti
No: 194
Şube: 5
Konya Vilayetine (şifre)
Avusturya Harbi'ne aid sinema kurdelaları göstermek üzere Anadolu'da dolaşan Avusturyalı Golva Şimit'in üç gün evvel İzmir'den Konya'ya hareket etdiği bildirildiğinden, şayan-ı itimad eşhasdan olmakla beraber merkumun kendisine verilen müsaadeyi suistimale meydan verilmeyecek surette harekȃtının tarassudu.
Fi 13 Şubat sene 1331
Nazır Talat
Yazılmışdır.
Haleb Vilayeti
Muhasebe-i Hususiye Kalemi
Aded
Umum: 3001
Hususi: 8
Dahiliye Nezaret-i Celilesine
Devletli Efendim Hazretleri
Mekteb-i Sanayi’a devam etmek de olan neharȋ talebeden bȋkes ve muhtac olanlara elbise yapdırılmak üzere tertip edilmiş olan sinemadan mütehassıl dört bin sekiz yüz kuruş fȋ 22 Şubat sene 1330 tarihinde vilayet büdcesi hesabına Ziraat Bankası'na teslim kılınmış ve neharȋ talebe için büdcede muhassasat gayri mevcud bulunmuş olduğundan meblağ-ı mezkûre mukabil tahsisȃt-ı fevkalade ita buyurulması encümen-i vilayet kararıyla arz ve istirham olunur. Ol bȃbda emr ü fermȃn hazret-i men lehü'l-emrindir.
Fȋ 5 Nisan sene 1331
Haleb Vȃlisi
Dahiliye Nezareti
Evrak umum numarası: Haleb mükerrer 90
Kalem numarası: 23
Tarih-i Tebyiz: 20 Nisan sene 1331
Haleb Vilayetine telgraf
c. 5 Nisan 331 3001/8 tahrirat: Bahis olunan 4800 kuruş geçen sene içinde sarf edilip edilmediğinin iş'arı.
Yazılmışdır.
Hariciye Nezaret-i Celilesine
Almanya, Avusturya-Macaristan, Bulgaristan, İsviçre, Fransa, İngiltere, İtalya, Belçika, Felemenk, Danimarka ve İsveç hükümetlerinde sinema ahzı ve sinema menȃzırının irȃesi hususunda ne gibi nizȃmȃt ve mevȃdd-ı kanuniyye var ise tahkȋk ve birer nüsha matbȗʻasının inbȃsı ….sefȃrȃt-ı seniyyeye işʻȃrına müsaade-i celȋle-i nezȃret-penahileri şȃyȃn buyurulmak babında.
Babıali
Hariciye Nezareti
Umur-ı İdariyye Müdüriyet-i Umumiyesi
Umur-ı İdariye Kalemi
Aded
8829 – 1151
Dahiliye Nezaret-i Celilesine
Sinema için İsveç'de mevcud kuyud ve usul.
Devletli Efendim Hazretleri
14 Ağustos sene 1334 tarihli ve 8639/1132 numaralı tezkire-i ȃcizȋme zeyldir.
İsveç'de sinema ahz ve irȃesi hususunda müdevven nizamȃt ve mevȃdd-ı kanuniyye mevcud olmayıp ancak mevȃki-i müstahkeme ve ale'l-ıtlak askerliğe müteallik mevȃdd ve mahal-i menazırının bila-istȋzan ahzı memnu olduğu gibi bilumum sinema şeridlerinin enzȃr-ı temaşaya vazʻ olunmadan evvel ahlȃk-ı umumiyyeye muhalif olup olmadığı kontrol edilip baʻdehȗ halka irȃesine ruhsat virildiği tahkikat-ı vȃkıadan müstebȃn olduğu Stockholm Sefȃret-i Seniyyesi'nden bu kere alınan tahrirat-ı cevȃbiyede isbȃr edilmiştir. Ol bȃbda emr ü fermȃn hazret-i men lehü'l-emrindir.
Fȋ 12 Zilkade sene 1336 ve fȋ 19 Ağustos sene 1334
Hariciye Nazırı namına Umȗr-ı İdariyye Müdüriyet-i Umumisi
Emniyet-i Umumiyye. Fȋ 20 Ağustos sene 1334
Kayd numarası: 1151
Vürudu: 19 Ağustos sene 1334 akşam
Hariciye /30
Mezkûr tezkirenin 951 numarayla 17 Ağustos sene 1333 tarihinde kalem-i husȗsȋye tevdȋʻ edildiği anlaşılmışdır.
4902 2051 - 33860
Dȃhiliye Nezȃret-i Celȋlesine
Ma'rȗzât-ı çȃker-i kemȋnemdir
Acizleri tebeʻa-i Yunaniyyeden olup, Feriköy'ünde Feriköy Caddesi'nde Ermeni Kilisesi civarında on dört numaralı hanede mutasarrıfen ve maa aile ikamet etmekteyim.
Sanat ve mesleğim esasen çalgıcılık olup, efrad-ı ailemin idare-i maişetlerini bu suretle temin etmekte olduğumdan bu kerre Şişhane Karakolu civarında “Apolon Sineması'nda” on dört yaşlarında mahdumum Dimitri ile birlikte çalgı çalmak üzere geceleri saat bire kadar mahall-i mezkûrede iştigal mecburiyetinde bulunduğumdan, vakt-i mezkûre kadar ruhsat itası hususuna müsaade-i aliyye-i cenab-ı merhamet-perverȋlerinin rȃygȃn buyurulmasını istidȃ ve istirham eylerim. Ol babda emr ü fermȃn hazret-i men lehü'l-emrindir.
Fȋ 26 Mart 1334
Feriköy'de Feriköy Caddesi'nde
on dört numaralı hanede sakin tebaa-i Yunaniyye'den
Sotiri veled-i Dimitrov Lekaki
Dahiliye Nezareti Emniyet-i Umumiye Müdüriyeti
33860/2051
Nezaretten
Polis Müdüriyet-i Umumiyesine
Feriköyü'nde Ermeni Kilisesi civarında on dört numarada mukim, tebaa-i Yunaniye'den Sotiri veled-i Dimitrov Lekaki nam şahsın Şişhane Karakolu civarında Apolon Sineması'nda on dört yaşlarında mahdumum Dimitri ile birlikte çalgı çalmak üzere geceleri saat bire kadar kalmasına müsaade olunması bȃ-istidȃ talep edildiğinden merkūmun ahvȃl ve hüviyetinin tahkikiyle neticesinin ve bu babda bir mahzur olup olmadığının inbȃsı.
Tebyiz
Fȋ 28 minh
Dahiliye Nezareti
Evrak Müdüriyeti
Aded:
Emniyet-i Umumiye Müdüriyeti
32385/175
173 Umum
Tahrirat-ı Umumiyye suretidir.
Alman hey'ȃt-ı istihbȃriyesi tarafından memurȋn-i lȃzıme i'zamıyla orada ahaliye vekayii harbiyeye ait malumat itȃ olunmak üzere istihbarat odası küşȃd olunacağı ve sinematoğraf gösterileceği bildirilmiş olduğundan kendilerine teshilat ve muȃvenet-i lȃzıme irȃesi mütemennȃdır.
Fȋ 26 Mayıs 1331
Dahiliye nazırı namına
Müsteşar
Aslına mutabıktır
Dahiliye Nezareti
Evrak Müdüriyeti