SAVAŞIN DÜŞÜRDÜKLERI: DİLENCİLER
Sahra Posta Teşkilatı yapılamayan mahallerde sâîlerin tayin ve istihdamları, mekatib ve eşya-yı askeriyenin nakilleri ve asker ailelerinin menafiini temin ve teyid edecek maddeleri havi talimatname sureti ile ol babda Harbiye Nezareti tezkiresi suretinin gönderildiği. (Posta Telgraf: SYS/34-6)
Sahra Posta Teşkilatı yapılamayan mahallerde sâîlerin tayin ve istihdamları, mekatib ve eşya-yı askeriyenin nakilleri ve asker ailelerinin menafiini temin ve teyid edecek maddeleri havi talimatname sureti ile ol babda Harbiye Nezareti tezkiresi suretinin gönderildiği. (Posta Telgraf: SYS/34-6)
Sahra Posta Teşkilatı yapılamayan mahallerde sâîlerin tayin ve istihdamları, mekatib ve eşya-yı askeriyenin nakilleri ve asker ailelerinin menafiini temin ve teyid edecek maddeleri havi talimatname sureti ile ol babda Harbiye Nezareti tezkiresi suretinin gönderildiği. (Posta Telgraf: SYS/34-6)
Sahra Posta Teşkilatı yapılamayan mahallerde sâîlerin tayin ve istihdamları, mekatib ve eşya-yı askeriyenin nakilleri ve asker ailelerinin menafiini temin ve teyid edecek maddeleri havi talimatname sureti ile ol babda Harbiye Nezareti tezkiresi suretinin gönderildiği. (Posta Telgraf: SYS/34-6)
Babıali
Dahiliye Nezareti
Aşȃyir ve Muhacirȋn Müdüriyet-i Umumiyesi
İskȃn Şubesi
Umumi: 7685
Hususi: 71
Edirne Vilayetine Şifre, müstaceldir.
c. 18 ve 20 Temmuz 1332 hududda bekleyen muhacirlerin her ne suretle olursa olsun içeriye girmelerine meydan verilmemesi bit-takrȋb firar edenlerden Türk olanlarının iadesi cihetine gidilmeyip, ancak Çinganelerin her vechile kabul olunmaması zaruridir.
Fȋ 23 Temmuz 1332
Nazır Talat
Selanik
Heyet-i İslamiyyesi
Huzur-ı Sȃmi-i Cenab-ı Nezȃret-penȃhȋlerine
Marȗz-ı Dȃileridir
Bunca asırlardan beri Avrupa'nın zencir-i esaret ve tahakkümünde yaşayan ve hiçbir türlü terakkiyȃt ve inkişȃfa muktedir olamayan Devlet-i Aliyye-i Osmaniyye'nin bu kerre her türlü kuyȗd ve esaretten azade olmak üzere kapitülasyonların lağvına kat'iyyen karar verildiği evrak-ı havadisde manzur-ı dȋde-i şükranemiz olmuştur.
Bu haber-i pür-meymenetin bilumum Müslümanlar'a bahşetdiği sürur-ı mevfȗr, daire-i arz ve tarifden dȗr olmakla hemen secde-i şükrȃna kapanarak Halife-i İslȃmiyȃnın ilȃ-ȃhiri'd-devran erȋke-pȋrȃ-yı şȃn ü şevket ve memalik-i Osmaniyye'nin her türlü tecȃvüzȃt ve taarruzȃttan masȗniyetiyle beraber envȃ-ı terakkiyȃt ve saadȃta mazhariyetleri duȃ-yı bȋ-riyȃsını ve daha nice nice tecelliyȃt-ı İlȃhiyyeye nailiyetleri dürȗd-ı mahsȗsuna terdȋfen refʻ-i bȃrgȃh-ı ehadiyyet eyledim.
Türkiye'nin devre-i terakkiyȃta girmesi ve tamamiyet-i mülkiyesinin muhafazası zamanı şimdi tecellȋ-ȃrȃ-yı husȗl olmuş ve bu da şevketli Sultan Mehmed Han-ı Hȃmis efendimiz hazretlerinin zaman-ı saltanatlarında ve Prens Said Halim Paşa hazretlerinin kabinesini teşkil eden zevȃt dehȃ-simȃt hazerȃtının evȃn-ı mes'adet-nişanlarında meydana gelmiş olmasıyla tevȃrih-i ȃlemde en bȃlȃ sahifelere kalem-i zerrȋn ile cümlenizin ism-i ȃlileri kayd ve tahrir olunarak, namlarınızı ilȃ-yevmi'l-kıyȃmet te'yid etdiğinizi ve dünyada Devlet-i Aliyye-i Osmaniyye'nin muhyȋ-i sȃnisi add ve telakki edildiğinizi ve dȃreynde ibkā-yı nȋk-nȃm ile nȃil-i ecr ü mesȗbȃt-ı bȋ-hesȃb olduğunuzu ve millet-i necȋbe-i İslamiyye'nin küçük ve büyüğünün yüzlerini güldürmüş ve meserretli göz yaşlarını akıttırmış olduklarınızı ve bu icrȃȃt-ı hasene-i Hudȃ-pesendȃnelerinden dolayı küre-i arzda yaşayan bil-cümle mü'minȋnin celb-i kulȗb ve minnetdarlıklarına nail olduklarınızı daha ziyade arz ve izaha lüzum göremem.
Selanik'de işbu haber-i beşȃretin alınmasıyla beraber bir ıyd-i meserretin ilan ve icrası lazımeden idiyse de hasbez-zaman buna muvaffak olamadığımızdan ve bu ümniyyemizin husulü vakt-i merhȗnuna talik edildiğinden, inşa-Allahü'r-Rahman o vakt-i neşȃtın dahi karȋben tecelliyet-sȃz-ı husul olması temenniyȃtını bu babdaki teşekkürȃt-ı mahsusa-i dȃiyȃnemde arzına zerȋa ittihaz eylerim efendim hazretleri.
Fȋ 10 Eylül 1330
Selanik Müftüsü
Ed-dȃȋ
Ahmed Bin Ali
Dahiliye Nezareti
Evrak-ı umumi numarası: 146
Kalem numarası: 171
Selanik Müftüsü Ahmed Efendi Hazretlerine
(hususi)
İmtiyazȃt-ı ecnebiyyenin ilgasından dolayı Ahȃlȋ-i İslamiyye beyninde hasıl olan hiss-i meserret ve mes'adeti mutazammın olan 10 Eylül 1330 tarihli tahrȋrat ı aliyyelerini ahz ve mütȃlaa eyledim. Bu vesile-i müteyemmine ile izhar buyurulan temenniyȃt ve teveccühattan pek ziyade mütehassis ve müteessir oldum.
Teşekkürȃt ve ihtirȃmȃt-ı hȃlisamın kabulünü ve lazım gelenlere tebliğini bilhassa temenni ederim. Ol babda.
Hasan Fehmi
Yazıldı.
Babıali
Dahiliye Nezareti
Şifre Kalemi
70
Kudüs Mutasarrıflığından Hariciye Nezaret-i Celilesi'ne gelen şifre.
Kapitülasyonların ilgasına dair icra edilen tebligata cevaben İngiltere ve Fransa ve İtalya konsoloslarından mercilerinin bu babda muvaffakiyetlerinin inzımamı lazım geleceği ve Binâenaleyh hilafı muameleye maruz oldukları yolunda müttehidü'l-meȃl cevaplar alınmış ve Avusturya ve Almanya ve İspanya konsoloslarından dahi bu hususa dair sefaretlerinden talimat aldıkları cevabı verilmiş ve Rusya konsülatosundan henüz bir cevap alınmamıştır. Mezkûr konsülatörlerden mürsel cevapnamelerin nezaret-i celilelerine takdimi icap edip etmeyeceğinin irade buyurulması maruzdur.
Fȋ 22 Eylül 1330
Mutasarrıf Macid
Dahiliye Nezareti
Kudüs-i Şerif Mutasarrıflığına
(şifre)
Hariciye Nezareti'ne yazılan 22 Eylül 1330 telgrafınızı gördüm. Kapitülasyonların ilgāsını konsoloslara tebliğ etmek icab etmezdi. Alınan cevaplar evrak-ı resmiye addedilemeyeceğinden buraya gönderilmesine hacet yoktur. Ba'demȃ hangi nefer ne rütbeye haiz olursa olsun doğrudan doğruya nezaretle muhabere eylemeniz lȃzım gelir.
Hasan Fehmi